Beynəlxalq Məktəbli Səfirlər Proqramına qəbul və iştirak prosesində bir neçə əsas mərhələ mövcuddur. Bu mərhələlər həm seçim meyarlarını müəyyən edir, həm də iştirakçıların hazırlıq və yerləşdirmə planlarını strukturlaşdırır.

1. Seçim İmtahanı – CELS 

İlk mərhələdə namizədlər CELS imtahanında iştirak edirlər. Bu imtahan şagirdin:

• İngilis dili səviyyəsini

• Analitik düşünmə bacarığını

• Mədəniyyətlərarası uyğunlaşma potensialını qiymətləndirmək üçün hazırlanır.
  
  

İmtahan nəticələri proqram üzrə ilkin seçimlərdə həlledici rol oynayır və tələbələrin qəbul oluna biləcəyi ölkə və məktəb profillərinin uyğunlaşdırılmasına imkan verir.

2. Müsahibə Mərhələsi

CELS imtahanından uğurla keçən namizədlər interaktiv müsahibə mərhələsinə dəvət olunur. Burada onların:

• Psixoloji uyğunluğu

• Liderlik bacarıqları

• Xarici mədəniyyətlərə açıqlığı
  Ailə yanında yaşamağa hazırlığı qiymətləndirilir.

Müsahibələr beynəlxalq təhsil təcrübəsi olan mütəxəssislər tərəfindən aparılır.

3. Qəbul və İştirak Öhdəliklərinin Təsdiqi

Müsahibədən keçən şagirdlər proqram qəbul məktubu alır və valideynləri ilə birlikdə rəsmi iştirak müqaviləsi imzalayırlar. Bu sənəd:

• Təhsil müddəti

• Yaşayış və qidalanma

• Təhlükəsizlik və sığorta təminatı

• Davranış və öhdəliklər barədə detalları əhatə edir.
  
  

4. Ölkə Seçimi və Yerləşdirmə Planlaması

Şagirdlər üçün uyğun ölkə və məktəb seçimləri proqram komitəsi tərəfindən CELS nəticələrinə və şəxsi profillərinə əsasən həyata keçirilir. Eyni zamanda, şagirdin yerləşəcəyi ailə və məktəb təyin olunur. Ailələr və məktəblər WCEP-in tərəfdaş təşkilatları tərəfindən yoxlanılmış və təsdiqlənmiş olur.

5. Hazırlıq və Oryentasiya Proqramları

İştirakçılar səfərdən öncə oryentasiya seminarları və mədəniyyətlərarası uyğunlaşma təlimləri alırlar. Bu mərhələdə onlara:

• Qəbul olunacaqları ölkənin sosial və məktəb həyatı

• Mədəni fərqlər

• Proqram qaydaları və gözləntilər haqqında geniş məlumat verilir.
  
  

6. Viza, Sığorta və Səfər Hazırlıqları

Proqramın təşkilatçıları şagirdlərin:

• Viza sənədlərinin hazırlanması

• Beynəlxalq tibbi və məsuliyyət sığortasının təmin olunması

• Aviabiletlərin bronlaşdırılması kimi texniki və hüquqi prosedurlarını həyata keçirir.
  
  

7. Xaricdə Təhsil Dövrü

Şagirdlər proqram ölkəsinə yola düşür, seçilmiş ailənin yanında yerləşdirilir və yerli dövlət məktəbində təhsilə başlayırlar. Bu dövrdə:

• Proqram əlaqələndiriciləri tərəfindən daimi nəzarət və dəstək göstərilir

• Aylıq hesabatlar və adaptasiya monitorinqi aparılır

• Fəaliyyət hesabatları tələb olunur
  
  

8. Proqramın Yekunu və Sertifikatlaşdırma

Təhsil dövrünü uğurla tamamlayan iştirakçılar:

• Beynəlxalq Məktəbli Səfiri Sertifikatı

• Tövsiyə məktubu

• Təhsil aldığı ölkənin tanınan akademik nəticələri ilə təltif olunurlar.

Proqrama Kimlər Qatıla Bilər?

Beynəlxalq Məktəbli Səfirlər Proqramına aşağıdakı şərtləri ödəyən bütün şagirdlər müraciət edə bilərlər:

1. Yaş və sinif aralığı:
– 14–18 yaş aralığında olan, hal-hazırda 7,8, 9, 10 və ya 11-ci sinifdə təhsil alan orta məktəb şagirdləri proqram üçün uyğundur.
– 7 və 8-ci sinif şagirdləri də müraciət edə bilər, lakin onlar yalnız növbəti tədris ili üçün ön qeydiyyat hüququ əldə edirlər.

2. Akademik göstəricilər və nizam-intizam:
– Minimum 80/100 və ya 4/5 akademik orta bal (və ya ekvivalent göstərici) tələb olunur.
– Məktəbdə davamiyyət və nizam-intizam baxımından müsbət tövsiyə şərtdir.

3. Xarici dil biliyi:
– Əsasən ingilis dili səviyyəsi CELS imtahanı vasitəsilə qiymətləndirilir.
– Digər dillərdə proqramlar da mövcuddur (məsələn, Almaniya və Fransa üçün), lakin həmin ölkələrə qəbul zamanı əlavə dil testləri tələb oluna bilər.

4. Şəxsi keyfiyyətlər və hazırlıq:
– Ailədən kənarda yaşamaq, yeni mədəniyyətə uyğunlaşmaq və fərqli bir təhsil sistemində təhsil almağa psixoloji hazırlıq.
– Liderlik meyli, ictimai fəallıq və sosial inteqrasiya bacarığı.

Proqramda Kimlər İştirak Edə Bilməz?

Aşağıdakı hallarda müraciət qəbul olunmur və ya proqramdan xaricetmə baş verə bilər:

– Yaş və ya sinif kriteriyalarına uyğun olmayan şəxslər
– Ciddi tibbi və psixoloji göstəriciləri uyğun olmayan namizədlər (müəyyən aralıq məhdudiyyətləri ilə)
– Müsahibə və test mərhələlərində ciddi uyğunsuzluq və ya etik pozuntu göstərənlər
– Beynəlxalq səfərlərlə bağlı hüquqi və ya səyahət məhdudiyyəti olan şəxslər